Dalmatíuströndin í Króatíu

Dagsferð um gimstein Dalmatíu, sjálfan Krka þjóðgarðinn sem heitir eftir 73 km langri á með sama nafni. Hér skoðum við hina frægu Krka fossa. Þarna blasir við ólýsanleg fegurð, fossar, stallar og hyljir mynda saman stórkostlegt náttúrusjónarspil sem hrífur alla sem staðinn heimsækja. Hér er um að gera að klæðast góðum skóm, því eina leiðin til að virða fyrir sér dýrðina er fótgangandi.

Dagsferð til sögufrægu borgarinnar Split, sem er hrífandi borg. Virðulegar byggingar og minjar frá tímum Rómverja prýða Split og hefur elsti hluti hennar verið á heimsminjaskrá UNESCO síðan árið 1979. Borgin er eins og lifandi safn. Við heimsækjum Diokletianhöllina, sem er einn af merkilegustu minnisvörðum byggingarlistar frá tímum Rómverja en hún var byggð á mettíma á árunum frá 295 – 305 e. Kr. Höllin er líflegur staður og er oft talað um hana sem hjarta borgarinnar. Eftir góðan tíma í borginni verður ekið til Trogir, snoturs bæjar úti á smáeyju, sem tengd er meginlandinu. Elsti hluti Trogir er einnig varðveittur á heimsminjaskrá UNESCO.

Šibenik er elsta borgin við Adríahafið og er staðsett við mynni árinnar Krka. Þangað er förinni heitið í dag. Við ökum sem leið liggur frá hótelinu að borginni sem er þekkt fyrir sögulegar minjar sínar. Þetta er einstaklega glæsileg borg og hér verður farið í áhugaverða skoðunarferð. Við kynnumst sögu og menningu, rekumst á gömul virki, borgarmúra, borgarhlið, fallega turna og dómkirkjuna, St. Jakov. Gengið verður um töfrandi miðaldabæinn en síðan verður gefinn tími til að kanna líf bæjarbúa. Eftir það verður sameiginlegur hádegisverður á skemmtilegum veitingastað.

Þessi dagur er til að njóta á þessum fagra stað, upplagt er að nota aðstöðuna á hótelinu, panta sér tíma í heilsulindinni eða skella sér í sundsprett í Adríahafi.

Nú er komið að kveðjustund eftir yndislega daga í Biograd. Eftir góðan morgunverð verður stefnan tekin á Mostar í Bosníu og Hersegóvínu. Ekið verður um Neretva dalinn sem er sannkölluð „Kalifornía Króatíu“ en í dalnum er mesta appelsínurækt landsins. Það verður örugglega gert myndastopp á leið yfir til borgarinnar Mostar sem er ein af perlum

Nú ætlum við að fara saman í ljúfa göngu um miðbæ Mostar og auðvitað verður komið að frægu, gömlu brúnni Stari Most, sem var byggð af Ottómönum á sautjándu öld. Hún er yfir Neretva ána sem rennur um borgina. Í Bosníustríðinu árið 1993 var brúnni eytt með gríðalegum spengjuárásum, en árið 2005 var hún endurbyggð og er nú á heimsminjaskrá UNESCO sem tákn um friðsamlega sambúð mismunandi þjóðflokka í Mostar. Gamli bærinn er yndislegur og töfrandi blæbrigði matar og mannlífs er að finna frá öllum þessum mismunandi menningarheimum meðal bæjarbúa.

Eftir það verður frjáls tími til að kynnast þessari fallegu borg á eigin vegum og er tilvalið að kíkja inn til kaupmanna eða setjast niður á kaffihúsi og fylgjast með mannlífinu.

Ekið verður til flugvallarins í Split. Brottför þaðan kl. 18:55 og lent í Keflavík kl. 21:50 að staðartíma.

Fararstjóri getur fært dagskrárliði á milli daga eftir þörfum þegar komið er

• 15. - 22. september - Biograd
• 22. - 25. september - Mostar