Gísli Einarsson er fæddur árið 1967. Hann er frá Lundi í Lundarreykjadal í Borgarfirði en er nú búsettur í Borgarnesi. Kona hans er Guðrún Hulda Pálmadóttir, bókari hjá sveitarfélaginu Borgarbyggð og eiga þau þrjú börn og tvö barnabörn.
 
Gísli lauk stúdentsprófi frá Samvinnuskólanum á Bifröst árið 1988 og hefur síðan unnið ýmiskonar störf, lengst af þó við fjölmiðla. Hann er í dag dagskrárgerðarmaður hjá Ríkisútvarpinu en kemur einnig reglulega fram sem skemmtikraftur á árshátíðum, þorrablótum og hvers kyns skemmtunum. Þá hefur Gísli tekið að sér að staðarleiðsögn fyrir hópa um Vesturland.
 
Gísli er eins og fleiri sveitamenn alinn upp við að menn fari ekki á fjöll nema eiga þangað erindi, annað hvort til að leita sauða eða skjóta rjúpur. Í seinni tíð hefur hann þurft að kúvenda í þeirri afstöðu því hans aðaláhugamál í dag eru fjallgöngur, innanlands sem utan.