Bella Ítalía

7. - 12. september 2024 (6 dagar)

Glæsileiki, rómantík og ölduniður Lago Maggiore vatnsins undirstrika fegurð Ítalíu og töfra Alpafјallanna í þessari skemmtilegu ferð þar sem dekrað verður við okkur í bænum Stresa. Við njótum þess að slaka á í vatnaparadísinni, sem rómuð er fyrir fegurð, og láta dásamlegan suðrænan blæ leika um okkur. Margar töfrandi skoðunarferðir standa til boða, svo sem hrífandi sigling á Lago Maggiore vatni til eyjunnar Isola Bella sem er ein Borromeo eyjanna. Þar sjáum við glæsilega höll í miðjum lystigarði, einum þeim fegursta sunnan Alpafјalla.Við munum einnig fara í siglingu á Comovatni frá Como til yndislega bæjarins Bellagio sem liggur út á fögrum tanga og er sannkölluð perla við vatnið. Heimsborgin Mílanó ætlar að taka á móti okkur með öllum sínum töfrum og glæstu byggingum. Borgin er yndisleg og alltaf gaman að sækja heim.

Verð á mann í tvíbýli 299.900 kr.

Aukagjald fyrir einbýli 56.200 kr.


Innifalið

  • 6 daga ferð.
  • Flug með Icelandair og flugvallarskattar.
  • Gisting í 2ja manna herbergi með baði.
  • Morgunverður allan tímann á hóteli.
  • Þrír kvöldverðir á hóteli.
  • Allar skoðunarferðir með rútu samkvæmt ferðalýsingu.
  • Íslensk fararstjórn.

Ekki innifalið

  • Aðgangseyrir inn í söfn, hallir og kirkjur.
  • Hádegisverðir.
  • Tveir kvöldverðir.
  • Þjórfé.

Kort af ferðinni

FerðalýsingPrenta ferðalýsingu

7. september | Flug til Mílanó & Stresa við Lago Maggiore vatn

Brottför frá Keflavík kl. 08:30 og mæting í Leifsstöð u.þ.b. 2,5 klst. fyrir brottför. Lending í Mílanó kl. 14:45 að staðartíma. Þaðan verður ekið til bæjarins Stresa, við vatnið Lago Maggiore, sem er umvafið fjallafegurð. Þetta er annað stærsta vatn Ítalíu en tæpur fimmtungur vatnsins tilheyrir Sviss. Frá 18. öld hefur fegurð og lega vatnsins dregið til sín baðgesti og ferðamenn hvaðanæva úr heiminum. Þar verður gist í fimm nætur á góðu hóteli í miðbæ Stresa.

8. september | Stutt ganga um Stresa & sigling til Isola Bella

Eftir góðan morgunverð verður farið í stutta göngu um bæinn Stresa sem er einstaklega líflegur og skemmtilegur. Því næst verður haldið í ljúfa siglingu yfir til Isola Bella sem er ein Borromeo eyjanna. Fegurð hennar er ólýsanleg en hún ber nafn Isabellu eiginkonu Carlo III. Borromeoættin byggði á eyjunni höll sem þekkt er fyrir að hafa verið gististaður Napóleons og eiginkonu hans, Jósefínu. Það er mjög skemmtilegt að skoða höllina, svo ekki sé talað um garðinn umhverfis hana, stórglæsilegur lystigarður á tíu hæðum.

9. september | Como, sigling á Comovatni & Bellagio

Á dagskrá okkar í dag er töfrandi og skemmtilegur dagur. Nú verður ekin fögur leið til Como við Comovatn sem er rómað fyrir fegurð og er sama hvert litið er, fallegt landslag umlykur okkur, líkt og mynd á póstkorti. Farið verður í ferjusiglingu frá Como til Bellagio sem er á fagurgrænum tanga og ekki að ástæðulausu að bærinn er kallaður perla Comovatns. Litríkur og skemmtilegur bær með sínum hlykkjóttu mjóu götum en það er dásamlegt að njóta lífsins í svona fallegum bæ í kringum skemmtilegar, litlar verslanir, veitinga- og kaffihús. Síðdegis verður siglt til baka til Como og ekið á hótel í Stresa.

Opna allt

10. september | Heimsborgin Mílanó

Heimsborgin Mílanó ætlar að taka á móti okkur í dag með öllum sínum töfrum. Margt er hægt að skoða í þessari glæsilegu borg m.a. dómkirkjuna sem er eitt af meistaraverkum gotneskrar byggingarlistar en einnig er hægt að fara upp á þak kirkjunnar. Einnig má nefna Scala óperuna og listasafnið Brera, svo minnst sé á eitt af söfnum borgarinnar en þau eru fjölmörg. Það er alltaf gaman að skoða elsta yfirbyggða verslunarhúsið, Galleria Vittorio Emanuele II, sem var byggt á 18. öld en þar uppi er fjöldinn allur af veitingahúsum. Ekki má gleyma að Mílanó er ein af aðal tískuborgum heims og kaupmenn láta sig ekki vanta hér. Eftir gönguna með fararstjóra verður frjáls tími til að kanna borgina á eigin vegum, sýna sig og sjá aðra.

11. september | Slökun & rólegheit í Stresa

Í dag slökum við á og njótum þess sem bærinn hefur upp á að bjóða. Tilvalið að fara í skemmtilega gönguferð meðfram vatninu eða kanna einstaklega sjarmerandi mannlíf bæjarins. Einnig er upplagt að nota aðstöðuna við hótelið okkar.

12. september | Heimferð frá Mílanó

Það er komið að heimferð eftir ljúfa daga. Byrjum þennan dag í rólegheitum í Stresa fram undir hádegi. Þaðan verður ekið út á flugvöll í Mílanó Brottför þaðan kl. 15.45 og lending í Keflavík kl. 18:00 að staðartíma

Fararstjóri getur fært dagskrárliði á milli daga eftir þörfum þegar komið er á staðinn.

Myndir úr ferðinni

Fararstjórn

Guðný Margrét Emilsdóttir

Guðný Margrét Emilsdóttir heiti ég, búsett í dag á Íslandi en bjó um 20 ár á Ítalíu. Á Ítalíu fór ég ítölskunám í háskólabænum Perugia (Umbria) og það var ekki aftur snúið! Lengst af bjó ég í Mílanó en vann sem leiðsögumaður með Íslendinga meira og minna um alla Ítalía. Ég lít á Ítalíu sem mitt annað heimili, elska landið, fólkið, söguna, menninguna, tungumálið, matinn og vínið. Reyndar var uppáhalds tungumálið mitt í menntó latína sem hjálpaði mér heilmikið að ná fljótt tökum á ítölskunni.

Senda fyrirspurn um ferð

bokun@baendaferdir.is
Síðumúla 2, 108 Reykjavík
Sími: 570 2790

Póstlisti

Skrá á póstlista