20. - 27. ágúst 2024 (8 dagar)
Miðaldabæir, vínakrar, bindingsverkshús, kastalar og einstök náttúrufegurð. Það er ævintýri líkast að ferðast um Alsace héraðið í Frakklandi og Bodensee vatn í Þýskalandi og við kynnumst sögu og menningarlífi þessara áhugaverðu svæða. Fyrst verður dvalið í yndislega bænum Colmar sem er þekktur fyrir bindingsverkshús, kræklóttar, þröngar götur og ekki síst listamannahverfið, litlu Feneyjar, sem er eitt fallegasta hverfi bæjarins. Farið verður í ljúfar og skemmtilegar dagsferðir, m.a. til Strassburg, höfuðborgar Alsace héraðsins, og í hrífandi siglingu á ánni Ill. Við ökum Vínslóðina í Alsace til Riquewihr sem er ein af perlum héraðsins og þræðum falleg smáþorp á leið okkar til bæjarins Obernai sem er við rætur St. Odile fjallsins og er með vinsælustu ferðamannabæjum Alsace héraðsins. Seinni hluta ferðarinnar dveljum við í Konstanz, stærstu borginni við Bodensee vatn en vatnið á landamæri að Sviss, Austurríki og Þýskalandi. Á leiðinni þangað upplifum við borgina Freiburg sem er borg skógarins, gotneskrar listar og víns. Sögulegar miðaldabyggingar setja svip sinn á borgina og margt er að skoða og dást að. Frá Konstanz verður siglt yfir á blómaeyjuna Mainau þar sem við skoðum glæsilegan lystigarð og njótum náttúrufegurðar staðarins