7. - 22. júní 2024 (16 dagar)
Í þessari mögnuðu ferð munum við kynnast einstöku samspili náttúru og sögu Grikklands. Við skoðum þorpin Fira og Oia á eyjunni Santorini, þar sem húsin eru eins og bláir og hvítir sykurmolar og hanga á gígbarmi stærsta gígs í heimi. Á eyjunni Naxos njótum við þess að ganga eftir mjóum götum gamla kastalans og upplifum túrkísbláan sjóinn og náttúrufegurðina í Eyjahafinu. Merkar fornminjar verða á vegi okkar á meginlandinu og við hlustum á sögur um goð og menn, hetjur og hetjudáðir. Hof Appollós og véfréttin í Delfí töfra ferðamenn enn í dag og miðaldaklaustrin í Meteora láta engan ósnortinn. Aþena er svo heill heimur út af fyrir sig með gömlu konungshöllinni, Akademíunni, marmaraleikvangnum, Akrópólís og töfrandi gamla bænum í Plaka. Ferðinni lýkur með nokkurra daga dvöl í Vouliagmeni, strandbæ í grennd við höfuðborgina, þar sem stöðuvatn, strönd og náttúra kemur saman í fögru samspili. Frá Vouliagmeni höldum við í skoðunarferðir m.a. að stærsta útileikhúsi Grikklands frá 4. öld f. Krist og í siglingu til þriggja einstaklega sjarmerandi eyja í Saróníska flóanum.